Os Manicómicos temos xa todo a punto para comezar un ano maís co Festival. A xente toda coñece os programas e agardan e desexan a chegada das cores e da risa. Só faltan os comediantes, que son os que van traer a maxia ós teatros, ós bares e ás rúas da cidade.

¿E cando van chegar? Díxome un paxariño que a nova voou cedo por todo o mundo e que chegou a voar tamén a través do tempo; até chegou a ouvila o Emperador do Humor, alá en Roma, e dixo que nos ia honrar coa súa presencia.

Os vellos de Venecia, os de París, os de Londres, e mailos de Broadway, lembran con agarimo o día que os visitou o Emperador do Humor, cando as súas cidades aínda eran novas e pequenas. Contan que chegou rodeado de belísimas mozas gregas e romanas, con xigantes, bufóns, comediantes enmascarados, paiasos, mimos, e embaixadores de tódolos xeitos de comedia coñecidos.

Dende entón as súas cidades enchéronse de cores e culturas, e medraron ata seren as fermosísimas cidades que agora coñecemos; cidades que son referente en toda conversa cultural que se precie.

A última nova dí que non só veñen o sábado 1 de xullo dende ás 17:30 ata as 19:00, para faceren un percorrido polo noso Paseo Marítimo ata chegar a Maria Pita, din que ademáis van a actuar pola rúa e que cando cheguen á praza, o Emperador do Humor vai realizar o acto inaugural do 3º Festival Manicómicos 2006.

Eu non o creo, vou ter que ir a comprobalo. E ti, ¿ves comigo?

Información do Pasarúas sábado 1 de xullo

Un Gran Pasarúas sairá ás 17,30 da Coraza do Orzán.

O pasarúas está composto por clowns, malabaristas, xigantes, cómicos e unha gran charanga de músicos.

O itinerario do pasarúas será: Coraza do Orzán, Barrie da Maza, Rúa Nova, Obelisco, Rúa Real, Rego de Auga e María Pita.

Os compoñentes do pasarúas farán paradas ao longo do percorrido nas que realizarán sketchs cómicos.

O tema do pasarúas é o teatro cómico en todas os seus facetas, polo que haberá payasos, monologuistas, comedia da arte, malabaristas etc. Acompañaralles a charanga Os Kilomberos.

En María Pita, ás 18,30 horas se inagurará o festival coa presenza do emperador da risa.

Ás 19,00 horas, tamén en María Pita, sucederanse as actuacións de trapecistas (Almacabra), cómicos e malabaristas de rúa.

Todos os coruñeses e turistas están invitados a participar neste pasacalles festivo que celebra o inicio do III Festival Internacional de Teatro Cómico Manicómicos.

A partir do sábado sucederanse as actuacións na rúa, nos bares e nos teatros, así como os cursos de formación.

Todas as entradas para os espectáculos están á venda en Televenta (Tfno. 902434443), taquilla de Caixa Galicia en internet e no kiosco da Praza de Ourense.

O aperitivo comezou cunha rolda de prensa-espectáculo que contou con invitados de excepción que formarán parte do festival. Nunca unha rolda de prensa foi tan divertida.

Willy Éter e Agustín Fernández presentaron o contido do festival aos medios, pero a aparición de extraños personaxes complicaban o evento: artistas buscando espectáculo, supostos cómicos suízos que falan galego e un sinfín de sopresas inundaron o forum metropolitano baixo a atenta, sorprendida e divertida mirada de reporteiros gráficos e periodistas de diferentes medios de comunicación.

O Festival xa está aquí, queda ben pouco para que comece e a cidade está preparada para un engalanamento con carteis, trípticos, … seguro que os atoparedes por ahí, burbullas de humor andan soltas pola cidade, andade con ollo.

As entradas xa están á venda no Kiosco da Praza de Ourense e en teletaquilla, sería bo ir reservando un bo sitio para os espectáculos.

Convocatoria aos medios de comunicación:

DÍA:       Mércores 14 de xuño de 2006
HORA:    11:00h
LUGAR:   Auditorio do Forum Metropolitano

A asociación Manicómicos invítalles á presentación-espectáculo do III Festival Internacional de Teatro Cómico "Manicómicos".

Asistirán representantes do Concello da Coruña, membros da directiva de Manicómicos e invitados sorpresa.

Este ano o festival conta coas actuacións, entre outros artistas, de Leo Bassi (Italia), Pierre Byland (Suiza), Familie Flöz (Alemaña), Mofa e Befa, San & San, Berrobambán (Galicia).

Leo Bassi actuará por primeira vez na Coruña e farao no Palacio da  Ópera co seu polémico espectáculo "A Revelación", dentro das actuacións do festival.

Nesta edición, programáronse múltiples actuacións e accións culturais e festivas que se darán a coñecer na rolda de prensa.

Agradecemos de antemán a súa presenza.

Comisión de Medios do Festival Manicómicos

En teletaquilla Caixa Galicia: 902 434 443 e Kiosko Praza Ourense. As entradas para os demais espectáculos tamén están á venda polo mesmo método.

Xa están á venda as entradas para a actuación de Leo Bassi do 13 de xullo no Palacio da Ópera da Coruña. Será a primeira vez que actúa na cidade, e farao dentro do cartel do 3º Festival de Teatro Cómico Manicómicos, que volve inundar a cidade con actuacións de artistas de talla internacional por terceiro ano consecutivo, converténdose nun referente do mundo do espectáculo.

Recoñecido mundialmente polas súas actuacións en solitario e polos seus extravagantes shows teatrais, Leo Bassi descende dun antigo liñaxe de comediantes excéntricos vidos de Italia, Francia e Inglaterra. Durante 130 anos. O seu pai, Leo Bassi senior , renombrado malabarista, traballou nos Estados Unidos (onde naceu Leo en 1952) con artistas tan notables como Groucho Marx, Louis Armstrong e Ed Sullivan. Leo Bassi herdou todos os trucos da profesión (foi citado na Enciclopedia Oxford das Artes Escénicas). Con todo máis que continuar unha tradición teatral, o seu propósito é manter vivo, na realidade de hoxe, o espírito tarambana e provocador. Para Leo, o entretemento non só é pracer e diversión, ¡é unha escusa!. O significado real de calquera espectáculo debería ser máis que nada, dar á xente unha experiencia apaixonante, sensacional, estremecedora, …

Este ano saltou aos medios de comunicación internacionais pola polémica creada a raíz da súa última obra "La Revelación", que provocou airadas protestas de grupos ultracatólicos e ata foi obxecto dun atentado coa colocación dunha bomba no Teatro Alfil pouco antes do estreo da obra que puido ser desactivada a tempo.

La Revelación

Eu, Leo Bassi, como bufón que son, sento que chegou de novo o momento de comezar a loita por salvar a intelixencia. En nome dos filósofos e científicos de todos os tempos, eu digo "!Ata os collóns!" de tanta superstición, dos mercadores do escurantismo e do medo. Que se preparen: chegou a hora da nova "Revelación".

O 3º Festival de Teatro Cómico Manicómicos (do 1 ao 16 de xullo de 2006) contará ademais de con Leo Bassi de artistas de talla internacional como Pierre Byland (Suíza), Familie Flöz (Alemania), Mofa e Befa, Berrobamban, San&San e o Cabaret Manicómicos (Galicia). Tamén haberá actuacións na rúa e en bares, así como cursos de formación (Leo Bassi, Pierre Byland e curso maquillaxe escénica e caracterización).

Podedes acceder ás taquillas de todas as actuacións do festival no seguinte enlace: Taquillas Caixa Galicia en "La Voz de Galicia"

Por terceiro ano consecutivo Asociación Cultural Manicómicos aventúrase na organización do Festival de Teatro Cómico Manicómicos.

Animados pola resposta do público, nesta 3º edición voltamos con forzas e ilusións renovadas e seguimos contando co apoio do Concello da Coruña e da Deputación da Coruña.

O Festival consta das seguintes seccións:

Actuacións en Salas:
Representacións en teatros da cidade de grandes figuras internacionais e compañías galegas.
Leo Bassi, Pierre Byland, Familie Flöz, Mofa e Befa, San&San, Berroambán, Cabaret Manicómicos.

Actuacións na Rúa:
Durante as fins de semana do festival na Praza de María Pita.
Haberá artistas de nivel internacional ademáis de propostas galegas.
Alamacabra, Chusmi, Cabaret Pista 4, Verito, Cou, Mariclown, Trotonix, Pablo Trasno, Cote, Os Festicultores.

Actuacións nos Bares (Horario Nocturno):
Manitroupe, Frikiki Show, Xose Touriñán.

Cursos de Formación:
Leo Bassi, Pierre Byland, Curso de Aéreos, Curso Maquillaxe Escénica e Caracterización.

Outras Seccións da páxina: Artistas e Novidades.

ASOCIACION CULTURAL MANICOMICOS
Rúa San Rosendo 10. baixo. 15007. A Coruña. Galicia.
Tlf: 981 23 50 24
manicomicos@hotmail.com
http://www.manicomicos.org

Datas: do 3 ao 7 de xullo
Duración: 12 horas
Horario: de 16:00 a 18:30 de luns a venres
Prezo: 100 para socios e 120 para non socios
Lugar: Pavillón Sofía Casanova de Vilaboa

Unha das especialidades do circo son os aéreos con diferentes modalidades e neste curso traballaremos con duas delas:

O trapecio e as teas.

A través dun quencemento e unha sesión de preparación física lograremos estar a punto para iniciarnos en exercicios básicos de trapecio e teas e lograr un achegamento a estes dous elementos.

Datas: do 10 ao 14 de xullo
Duración: 20 horas
Horario: 16:00 – 20:00h
Prezo: 65 € socios / 100 € non socios
Lugar: Sala do Trinke. Rúa San Rosendo 10.

Aprende a utilizar as técnicas e recursos necesarios para a caracterización e creación de personaxes, adquirindo ademáis os coñecementos básicos da maquillaxe de efectos especiais. Co dominio das ferramentas apropiadas, o único límite é a túa imaxinación. O obxectivo será que aprendas a caracterizar o rostro, a deseñar os teus bocetos e a entender cal é o rol da maquillaxe nunha posta en escea.
 
• Recoñecemento de materiais
• Bases de maquillaxe: usos e diferencias
• Preparación do rostro
• Utilización do claro-escuro
• Envellecemento do pel
• Maquillaxe para clown, drag queen, etc
• Colocación de perrucas
• Bocetado e composición do personaxe
• Caracterización
• Tapado de cellas
• Pegado de próteses
• Colocación de calotas
• Feridas: queimaduras, cortes, golpes

Datas: do 3 ao 7 de xullo
Duración: 20 horas
Horario: 10:00 – 14:00 h
Prezo: 170 € socios / 190 € non socios
Lugar: FORUM METROPOLITANO

P. Byland, naceu en Suiza en 1938. Formouse na prestixiosa escola de Jacques Lecoq en París, onde ademáis impartiu clases durante moitos anos. Traballou con grandes nomes do teatro mundial como Samuel Beckett, Peter Handke, Marcel Marceau, ou Philippe Gaulier. Escritor e creador de moitos dos espectáculos creados en torno á súa compañía Les Fusains, é coreográfo e fundador do famoso circo Roncalli, o primeiro circo de actores. A súa proposta renovadora do fenómeno circense e do fenómeno do clown escénico e contemporáneo, lévanlle a participar na creación do Centro Nacional Superior das Artes de Circo de Châlons sur Marne en Francia. Actualmente dirixe tamén o Burlesque Centre, centro burlesco das artes escénicas comtemporáneas.

Este curso está encamiñado á busca do teu propio clown, ó descubrimento do teu ridículo e á súa expresión, aceptando a debilidade e reflexionando sobre a estupidez, de cara a enriquecer non só o teu traballo como actor ou actriz, senón tamén a túa propia humanidade como persoa.

O clown como expresión artística e criativa do teu humor particular, sen clichés nin artificios, sen ideas preconcebidas, actual e disposto a facer novos descubrimentos, para converterse así nun artista polivalente por excelencia.

Buscando a nosa Identidade Cómica. "Cómo liberar as nosas aptitudes naturais para facer reír"

Datas: do 12 ao 14 de xullo
Duración: 12 horas
Horario: 10:00 – 14:00 h
Prezo: 130 € socios / 150 € non socios
Lugar: Forum Metropolitano

A través dos anos LEO desenvolveu un sistema que mestura a teoría con orixinais xogos psicolóxicos, que inducen aos participantes a descubrir máis deles mesmos segundo vanse intensificando estes exercicios. Un dos aspectos máis importantes destas sesións é que todos os participantes son continuamente estimulados a tomar alternativamente un papel activo e á vez de observador crítico. Isto alenta discusións francas obrigándolles a darse conta de como as súas accións son percibidas por outros e que significan para eles mesmos.
Segundo vai progresando o curso, o énfases cambia de ser unha ampla exploración da mente a ser un estudo máis centrado na comedia e nos problemas puramente teatrais de como ser efectivo diante dun público.

O que pode esperar o participante logo da conclusión do curso, son resultados tanxibles que variarán desde unha inspirada mirada ás raíces psicolóxicas do humor e o seu funcionamento á construción precisa de humor, preparada para usar en teatro ou televisión.

Plan de Estudos:

· ¿Como é de forte ou poderoso o teu primeiro impacto na xente?
· Teoría do Narcisismo e da Actuación
· ¿Que arrebata o noso Interese Primario?
· Imos divertirnos roubando a atención da xente.
· Improvisacións Cómicas usando as nosas propias Identidades

Un espectáculo creado e interpretado por Xosé A. Touriñán.

1º premio Concurso de Monólogos Pub D`Antón. Laracha (A Coruña) 2005.

1º premio Concurso de Monólogos Sikaru. Ferrol. 2005.

Manolo Lojo vaise suicidar, xa non ten gañas de vivir, todo se lle pon en contra, nada sae ben,… Pero antes de matarse ten que revelar un dos segredos mellor gardados de todos os tempos. Moitas veces as persoas non son o que aparentan e enganámonos ao xulgalas.