bylandO grande Pierre Byland actuou onte no forum metropolitano, ofrecendo un espectáculo divertido e didáctico, amosando xunto con Mareike Schniyker o comportamento humano a través do estudo do seu corpo en movemento, co emprego de técnicas de máscara, clown mimo e acrobacia.

As explicacións detalladas de cada movemento eran explicadas en inglés e traducidas por Carlos Sante en escena. Unha magnífica ocasión para observar a técnica e a posta en escea deste mestre do clown e a escena, e para tamén comprobar a capacidade de Mareike (a súa dona) coma grande artista e complemento ideal do espectáculo.

Esta semana ainda queda moita diversión: Berrobambán, Mofa e Befa e Familie Flöz.