Non podía ser doutra forma, e Mofa e Befa conseguiron abarrotar o Teatro Rosalía de xente. O espectáculo gustou, e moito. O humor étnico-musical, fixo que por momentos dubidáramos das auténticas cualidades de cada un dos actores, xa que as súas habilidades van moito máis alá das técnicas teatrais e as frases ocurrentes. Un espectáculo ademáis con marcados tintes reivindicativos da tolerancia, a convivencia e a mestizaxe. Toda unha lección.

Un novo fin de semana de actuacións na rúa comezou o venres. No escenario de María Pita actuaron Verito e Pablo Trasno, deleitando aos asistentes cunha combinación de malabares, xogos, humor, … o sábado a partir das 18h moito máis, coa participación novamente de Verito, de Freddy e de Mariclown.

Era o turno para Frikiki Show, e David Perdomo, Su Moreno e Yolanda Paz non defraudaron aos asistentes cun espectáculo fresco, provocador e irreverente que sorprendeu aos asistentes. Dende nenos e nenas describindo cousas ata bonecas e diferentes personaxes paseáronse polo Dog’s Bollocks da man destes artistas. Un bo sabor de boca que fai que esperemos impacientes a próxima noite de bares, será o mércores 12.

Berrobanbán actuou no Forum Metropolitano facendo as delicias dos máis cativos. Diferentes escenas da vida diaria salpicaban un escenario cheo de colorido. Un espectáculo dinámico, divertido e visual. As notas de diferentes intrumentos aderezaban esta magnífica obra, que non so gustou aos máis novos, senón tamén aos adultos.