San&San é unha compañía de teatro nacida  no 2000 na Coruña, integrada por Pablo Sánchez e Carlos Sante. Aposta fundamentalmente por un teatro de humor xestual e físico e crea os seus proprios traballos a partires de ideas orixinais.

Dende o 2001 ven educando a novos valores na súa escola da “Sala do Trinke” da Coruña, con talleres de formación actoral en técnicas como o teatro físico, a máscara, o clown, a commedia dell’arte, a improvisación, a creación de personaxes, a acrobacia, o claqué … Nos últimos anos inclúe como ensino a interpretación ante a cámara e produce, a nivel amador, unha serie de curtametraxes cos seus alumnos.

En xaneiro de 1996 aparece por primeira vez a familia Floz nunha mina de carbón parada en Bochum.Tardan varios días en saír da escuridade a través dun profundo pozo.

Un grupo de estudantes que acaba de finalizar os seus estudos na Escola Superior de Folkswang en Essen desenvolve unha nova forma de teatro moi inusual: teatro con máscaras. Familie Flöz convértese nunha receita secreta nos ambientes de teatro e comedia alemán e entusiasma pola mestura exquisita de arte, música, maxia, teatro de paiasos e máscaras.

Considerado en numerosos festivais como obra modelo do Ruhrpot, recibe así mesmo ademais das mellores críticas distintos premios (Premio do festival “Theaterzwang 96” NRW, 1.premio do “Internationales Gauklerfestival” en Koblenz). Tras varias actuacións nos festivales de Freiburg, Magdeburg, Zúrich, Rastatt, Colonia, Stuttgart, Saarbrücken, Braunschweig, Múnich, etc, actúan como grupo invitado en toda Europa (Austria, Suíza, Eslovaquia, Francia, España, Bélxica, Holanda, Dinamarca, Chinesa e Italia).

http://www.floez.net

A compañía compostelá Berrobambán Teatro comezou a súa traxectoria en 1995, converténdose en grupo profesional no ano 2000. Trátase da formación galega con maior experiencia no ámbito de teatro infantil de actores, dentro do que teñen levado a escena media ducia de espectáculos: ademais de Diariamente, Buh!, Dous contos sen final e un final por fin, Movementos para trasnos e trastes e Historia dun soldado. Paralelamente, Berrobambán desenvolve unha liña pensada para o público adulto, na que se inscriben as súas producións Vendetta e NdC.

Ten traballado, así mesmo, con diferentes editoriais e concellos galegos en campañas de animación á lectura dirixidas aos cativos, para as que creou as montaxes Historia dun libro e Un conto que nin pintado, e puxo en marcha a primeira programación estable de teatro familiar en Galicia que, baixo o nome de Asteroide 612, se desenvolveu nas cidades de Santiago e Ferrol entre os anos 98-03.

Foi, ademais, a compañía seleccionada para representar a España no XIV Congreso da ASSITEG (Asociación Internacional de Teatro para a Infancia e a Xuventude), que se celebrou en Seúl en xullo de 2002. Tamén ten representado os seus espectáculos en numerosos festivais celebrados en diferentes puntos de Galicia, así como en Portugal e Canadá, entre outros países.

P. Byland, naceu en Suiza o 6 de outubro de 1938, formouse na prestixiosa escola de Jacques Lecoq en París, onde ademais impartiu clases durante moitos anos. Traballou con grandes nomes do teatro mundial como Samuel Beckett, Peter Handke, Marcel Marceau, ou Philippe Gaulier. Escritor e creador de moitos dos espectáculos creados en torno á súa compañía Les Fusains, e coreógrafo e fundador do famoso circo Roncalli, o primeiro circo de actores. A súa proposta renovadora do fenómeno circense e do fenómeno do clown escénico e contemporáneo, lévanlle a participar na creación do Centro Nacional Superior das Artes de Circo de Châlons sur Marne en Francia. Actualmente dirixe tamén o Burlesque Centre, centro burlesco das artes escénicas contemporáneas.

Recoñecido mundialmente polas súas actuacións en solitario e polos seus extravagantes shows teatrais, Leo Bassi descende dunha antiga liñaxe de comediantes excéntricos vidos de Italia, Francia e Inglaterra. Durante 130 anos. O seu pai, Leo Bassi senior , renomeado malabarista, traballou nos Estados Unidos (onde naceu Leo en 1952) con artistas tan notables como Groucho Marx, Louis Armstrong e Ed Sullivan. Leo Bassi herdou todos os trucos da profesión (foi citado na Enciclopedia Oxford das Artes Escénicas). Con todo máis que continuar unha tradición teatral, o seu propósito é manter vivo, na realidade de hoxe, o espírito tarambana e provocador. Para Leo, o entretemento non só é pracer e diversión, ¡é unha escusa!. O significado real de calquera espectáculo debería ser máis que nada, dar á xente unha experiencia apaixonante, sensacional, estremecedora.

http://www.leobassi.com